放假一得閒我最鍾意周圍搵嘢食
之前經過呢度已經想試 不過一直未有機會
而且近屋企嘛 其實土瓜灣好多嘢食 但坐得舒服d嘅cafe就好似冇乜
入面環境都唔錯 感覺舒適 (掛住食冇影到相 :P )
對面街有錶位 啱晒揸車嚟嘅朋友
裏面仲有好秘密嘅露天位 方便喜愛呼吸嘅客人 但就近toilet 多人行出行埋
叫咗份 Carbonara 合格啦 分量適中 唔會太漏
另外叫了杏仁魚柳配甜薯 魚無杏仁味 甜薯就好似薯片咁 但係用甜番薯新鮮炸 不過不失啦
我本身都鐘意飲咖啡 只能說OK啦
對於我嚟講呢度嘅賣點係近我 同埋靜靜地可以傾下計 (當日冇乜客)
睇番 openrice 好多人話佢哋服務態度差 我去又唔覺喎 幾好禮貌
下次去開附近 想靜靜地都可以考慮下呢度 ;)
cafe name: The bites & Co.
詳細資料上 openrice 睇啦
－ 完 －
沒有留言:
張貼留言